Capela de Santo Antonio
Localización: Campo de Santo Antonio, 2.
Cronoloxía: Construída en 1684 e reconstruída en varias ocasións. Erixido por Domingo Durán.
Estilo: Barroco.
Situación Xurídica: Propiedade do Arcebispado de Santiago de Compostela.
Pequeno templo de planta rectangular cunha capela maior que ocupa a súa totalidade, e cuberta de madeira a dúas augas con tella.
No interior consérvase do primitivo retablo unha imaxe policromada de Santo Antonio, datada no último terzo do século XVII.
A capela está situada nunha praziña (o campo de Santo Antonio) onde destaca un cruceiro do século XVIII.