Pazo dos Traba
Localización: Rúa de Carrera Fábregas, 27.
Situación Xurídica: Propiedade privada en uso.
Este pazo pertenceu aos Condes de Traba, señores de Corcubión a principios da Idade Media.
Organízase nunha planta en forma de L, distribuida en dúas alturas, deixando un pequeno patio interior.
A fachada principal presenta dous accesos, un ao nivel da rúa e outro en escalinata ao primeiro andar. Como elemento salientable está unha cheminea de pedra rematada en cuberta de tella.
Este edificio ten elementos propios da tradición mariñeira, como o aparello de cachotes irregulares.