Caminho de Santiago em Corcubiom
Na Costa da Morte é onde tem a sua origem o mito jacobeu: às nossas costas chegou o Apóstolo Santiago numha barca de pedra. Resulta lógico que a rota jacobeia se prolongue nos dias de hoje até a Costa da Morte.
Desde Santiago podemos seguir o Caminho, que em Dumbria se divide em direcçom a Fisterra ou Mogia.
A derradeira etapa do Caminho pola variante de Fisterra tem a sua saída desde Corcubiom. No Concelho temos um albergue onde poderás pernoitar.
O Caminho entra em Corcubiom desde Cee; desde este ponto restam uns 14 Km até o Farol de Fisterra, fim do Caminho.
O Caminho transcorre polo precioso passeio marítimo da vila e segue desde a praça de Castelao até a igreja paroquial para depois continuar ao Campo do Rolho e subir por Fonte Vilar até o Campo de Sam Roque. Neste ponto, num outeiro desde onde enxergamos o cabo de Fisterra, temos o albergue municipal de peregrinos de Sam Roque, gerido pola Associaçom Galega de Amigos do Caminho de Santiago (AGACS).
Desde o albergue a Fisterra o Caminho fai-se pola estrada em muitos trechos. Ao chegarmos ao centro da vila fisterrá cumpre seguir cara ao Cabo de Fisterra.
Desde Fisterra podes fazer a variante do Caminho Fisterra-Mogia.
Dados práticos
Distáncia Corcubiom-Fisterra: 12 Km. Tempo aproximado: 3 horas caminhando de vagar.
Alojamento em Corcubiom: Albergue de peregrinos de Sam Roque (Corcubiom).
Situado na estrada Corunha-Fisterra, a 2 Km da praça de Castelao hacia Fisterra.
Aberto de 16:00 a 22:30 en verán e de 17:00 a 22:30 en inverno.
Teléfone de Antón Pombo (Asociación Galega de Amigos do Camiño): 655 130 485.
Para mais informaçom, consultade a páxina da Asociación Galega de Amigos do Caminho.
Lojas de desporto e reparaçom de bicicletas: Manuel Redonda Blanco. Avenida da Constituçom, 19 (Corcubiom).
Há pontos do Caminho nos que cumpre caminhar pola estrada principal. Também cumpre cruzá-la nalgum ponto de pouca visibilidade. Aconselhamos nom fazer esta rota com nenos.