Que é a Costa da Morte
A Costa da Morte é umha zona na costa Oeste galega, na província da Corunha.
Nom é clara a origem do nome; alguns dizem que é pola perigosidade do seu mar, que provocou muitos naufrágios e mortes; outros defendem a versom romántica do mito do sol que morre nas águas do Atlántico, o que pareceu impressionar aos romanos ao ponto de chamarem a estas terras de Finis Terrae.
A Costa da Morte nom tem realidade administrativa. Os seus limites som imprecisos e a gente e a paisagem muito variadas. A Asociaçom Neria, que promove o desenvolvimento económico da Costa da Morte, tem entre os seus sócios 14 concelhos que som os que podemos considerar que fam parte da comarca.
A sua costa é acidentada com um mar bravo que bate constantemente contra as rochas. No interior suaviza-se e temos umha paisagem verde e ondulada.
A economia tradicionalmente sustentou-se na pesca e na agricultura. Nos dias de hoje tratamos de potenciar o turismo de natureza e etnográfico, os nossos mais importantes valores, como impulso à economia da Costa da Morte.