Outros paços e casas senhoriais
Paço dos Dios e Pose
Localizaçom: Antonio Porrúa, 3.
Situaçom jurídica: Propriedade privada en uso.
Vivenda brasonada entre medianeiras, disposta em dous andares com umha disposiçom de planta rectangular. Em cada um dos andares há um par de janelas.
Na fachada destaca um balcom corrido no primeiro andar ao que se abrem dous vaos, seguindo um ritmo regular na distribuiçom dos ocos.
No último piso há um escudo de armas que ocupa quase completamente o vao. Este paço é um dos melhores exemplos de casas brasonada de Corcubiom.
Casa Castrexe
Localizaçom: Rúa Antonio Porrúa.
Situaçom jurídica: Propriedade privada en uso.
Edifício brasonado entre medianeiras disposto em três níveis. A sua planta é regular.
A fachada tem um eixo central marcado pola porta e continuando no primeiro andar com um pequeno balcom sustido sobre umha lousa de granito cunha fina varanda de ferro. No último andar há umha formosa galeria que a percorre completamente.
Tem um formoso escudo de armas com quatro quartéis. É de lamentar que esteja mutilado na sua parte superior.
Casa Teixeira (1789)
Localizaçom: Rúa de las Mercedes.
Situaçom jurídica: Propriedade privada en uso.
Edifício histórico, de planta rectangular e dous níveis, que se desenvolve ao longo da rua. Pode-se aceder ao seu interior por duas portas situadas ao nível da rua.
Um escudo contornado em estilo Rococó está situado acima da porta. Outros elementos originais perdêrom-se nas restauraçons sucessivas.
Casa de José Sendón
Localizaçom: Praça Médico Ramón Carrera.
Situaçom jurídica: Propriedade privada en uso.
Exemplo de casa brasonada, organizada em duas alturas, com um telhado coberto a duas águas.
A fachada principal tem um eixo central marcado pola porta de entrada. Acima dela vai um escudo de armas, com um elmo virado cara a direita, de quatro quartéis no que se apreciam as serpes afrontadas da família dos Paços.
